Асобы

БЕЛАРУСІСТ З БЕРАГОЎ ДУНАЯ

Да 60-годдзя Андраша Золтана – Прыгодзіч М. Р., Асобы

У гісторыі замежнай беларусістыкі яму належыць адно з самых адметных месцаў. Ён з ліку першых, хто ў другой палове XX ст. у навуковых працах стаў шырока выкарыстоўваць беларускамоўны матэрыял, найперш старажытнага перыяду. Менавіта прафесар Андраш Золтан у 1990-я гг. распачаў працу Венгерскай асацыяцыі беларусістаў.

Нарадзіўся Андраш Золтан 25 снежня 1949 г. у горадзе Шопран паблізу возера Нойзідлер у сям’і лютэранскага пастара і настаўніцы. Пасля заканчэння аддзялення рускай і польскай філалогіі Будапешцкага універсітэта з 1974 г.

8 жніўня 2006 г. споўнілася 80 гадоў айцу Аляксандру Надсану

Артыкул Ларысы Языковіч да юбілею айца Аляксандра Надсана – Языковіч Л., Асобы

Рэлігійны і грамадскі дзеяч беларускага замежжа айцец Аляксандр Надсан нарадзіўся 8 жніўня 1926 г. ў мястэчку Гарадзея пад Нясвіжам у настаўніцкай сям’і. У час Другой сусветнай вайны ва ўзросце 16 гадоў пакінуў радзіму. Разам з групай членаў Саюза беларускай моладзі выехаў у Германію. Потым апынуўся ў Францыі, дзе перайшоў на бок саюзнікаў па антыгітлераўскай кааліцыі і ўступіў у армію генерала У.Андэрса. Удзельнічаў у баях супраць фашыстаў у Італіі, дэмабілізаваўся ў 1946 г. ў Вялікабрытаніі. Вывучаў матэматыку ў Лонданскім і Рымскім універсітэтах. У 1953 г.

Янку Запрудніку – 80 гадоў: “Зямля продкаў заўсёды кліча нас, і трэба быць ёй вернымі”

Артыкул Галіны Сяргеевай да юбілею Янкі Запрудніка – Сяргеева Г., Асобы

Янка Запруднік (да 1946 г. Сяргей Вільчыцкі) – вядомы грамадска-палітычны дзеяч беларускай эміграцыі, гісторык, палітолаг, літаратар – адзначыў паважаны юбілей. Толькі няпоўныя ягоныя 18 гадоў прайшлі на Бацькаўшчыне, а затым давялося жыць у Нямеччыне, Вялікабрытаніі, Бельгіі, ЗША. У Злучаных Штатах Амерыкі ён і цяпер займаецца навуковай працай. Аглядаючы немалы пройдзены шлях, варта адзначыць, што менавіта з Бацькаўшчынай звязаны ягоныя надзеі, спадзяванні, трывогі, Радзіме скіравана яго разнастайная дзейнасць. Пражыўшы шмат гадоў у эміграцыі, Янка Запруднік у сваёй мемуарна-дакументальнай кнізе “Дванаццатка” (Нью-Йорк, 2002) зрабіў пранікнёнае, выпакутаванае прызнанне аб лучнасці з роднай зямлёй, Бацькаўшчынай: “Пакідаючы гэты маленькі свой сьвет, я йшчэ не ўсьведамляў ягонае вялікае сілы – ня думаў, якімі трывушчымі ў памяці акажуцца ягоныя адбіткі, якім салодкім рэхам ён будзе адгукацца на дарогах чужыны, якім лекам ён станецца для хворае душы ў цяжкія часіны ростані, ды ў якую шчодрую крыніцу ён абернецца для новых пачуцьцяў, перакананьняў, намераў і зьдзяйсьненьняў”.

“Здаецца, так даўно было...” Да 75-годдзя Ніла Гілевіча

Нататка Уладзіміра Васілевіча з нагоды 75-годдзя Ніла Гілевіча “Здаецца, так даўно было...” Да 75-годдзя Ніла Гілевіча – Васілевіч У., Асобы

Ніл Гілевіч

Колькі год ужо мінула з таго часу, калі мы, сёння пасівелыя і палыселыя немаладыя людзі, а тады – учарашнія абітурыенты, адолеўшы ўступныя экзамены (у той час пра тэсты яшчэ ніхто не чуў), шчаслівыя пераступілі парог запаветнага універсітэта і ўжо ў якасці студэнтаў запоўнілі аўдыторыі філфака. І адным з першых нашых новых выкладчыкаў, які паўстаў перад намі ва ўсёй сваёй красе найлепшага мужчынскага веку, быў Ніл Гілевіч. Ну хто ж з нас не ведаў, не чытаў яшчэ ў школе яго кніг, не любіў яго паэзіі? А тут раптам – ён будзе нашым выкладчыкам!