Андраш Золтан / András Zoltán (нар. 25 снежня 1949 у г. Шопран, Венгрыя) – венгерскі славіст, загадчык кафедры ўкраінскай філалогіі, сябра кафедры ўсходнеславянскіх і балцкіх моў Будапешцкага універсітэта імя Лоранда Этвеша, старшыня Венгерскай асацыяцыі беларусістаў, сябра Венгерскага лінгвістычнага таварыства. Даследуе польска-ўкраінска-беларуска-рускія моўныя кантакты, сярэднявечныя славянскія мовы (дзелавое пісьменства), лексікалогію і этымалогію ўсходнеславянскіх моў, славяна-венгерскія моўныя запазычанні і інш. Аўтар звыш 200 публікацый, у тым ліку 22 кніг, напісаных асабіста і ў суаўтарстве. Акрамя шматлікіх навуковых артыкулаў (на англійскай, беларускай, венгерскай, нямецкай, польскай, рускай, украінскай мовах) беларуская праблематыка закранаецца ў манаграфіях “Fejezetek az orosz szókincs történetéből” / “З гісторыі рускай лексікі” (Будапешт, 1987), “Oláh Miklós Athіla című munkájának XVІ.századі lengyel és fehérorosz fordítása” / “Атыла Міклаша Олаха ў польскім і беларускім перакладах XVI ст.” (Ньірэдзьхаза, 2004), “Szavak, szólások, szövegek. Nyelvészeti és filológiai tanulmányok” / “Слова, паходжанне, узнаўленне. Мовазнаўчыя і філалагічныя працы ” (Будапешт, 2005). Прафесар, доктар габілітаваны (2005) З юбілярам гутарыць Алесь Бразгуноў (Мінск). – Алесь Бразгуноў, Інтэрв’ю